ARITZ ARREGI

ZUGANAKIKO

 

Zer esango nuke gutaz,

gauza gehiegi ezin esan,

ezin adierazi,

ezin hasiera eman

eta ezin amaitu.

 

Gogoan dut

ezagutu zintudan eguna

eta une hartan

zuganako sentitu nuena.

 

Momentu hartan ez nuen jakin zer zen,

baina denborak asko irakatsi dit.

 

Batzuk,

faltan botatzen zaitudala diote,

baina benetan zergaitia

hau den galdetzen diot

neure buruari.

 

Ez dut zu obsesio bihurtzerik nahi,

zugan pentsatzen dihardudan orduez gozatu nahi dut,

zoriontasuna beti ez baitago eskura.

 

Bihotzaren nabarmentasuna,

une horren oroimena nire barnean,

eta zu besarkatu nahiaren desira…

 

Zu ikusteko esperantzak esnatzen nau,

maitasunak jantzi, 

eta itxaropenak zugana narama.