ARITZ ARREGI

LOARI DEI

 

Ez dut bizitzari orduak lapurtu asmoz lo egiten,

soilik begiak isten saiatzen naiz

lasaitasun forman nigan atxikitzen den

sentsazio horrek arrapa nazan.

 

Gaur loari dei egingo diot,

tamalez,

zu berriz sentitzeko

dudan era bakarra delako.

 

Kanpoko munduaren sentimenduak

nabaritzea ahalbidetzen nauten leihoak ixterakoan,

nire erraietan barneratzen naiz,

eta gure artean egon zen sinergia sentitzen dut.

 

Zure irudia antzematen dut

frustratutako ilusioen lanbro artean,

eta altzoari heltzen diot.

Burua bularrean pausatu dut,

bizitza eman zidaten bihotzaren taupadak sentitu nahi baititut.

 

Begiak itxiko ditut

zure irudiak

nire memorian tatuatuta

luze iraun dezan.

 

Horrela, gaur egun

etengabe errepikatuko nizukeena

esan ahal izango dizut;

 

Dena zara niretzat.