ARITZ ARREGI

BIDEAK

 

Malko gatzatuen jauzi librean

besarkatu ginen azken aldiz,

hura baitzen bide berriak

hartzeak zekarren agurra,

 

Jakin banekien

ni-aren ziurtasunez

osatua nengoela

patua bularbete hartzeko

gai den arima baitut.

 

Bidean dei egingo didazu,

nitaz jakiteko,

baina ustekabean,

topo egingo dugu,

elkar bilatzeko beharrik gabe,

eta bi pauso aurrerago ikusiko nauzu,

batzuetan bide zuzenak amaiera gogorra baitu,

sigisagatsuak inflexio puntu bihurtuz.