ARITZ ARREGI

ZIRKULU MUGIKORRA

 

Kateaturik,

era zirkular batean,

kaiolan preso den xagu txikia lez.

 

Sentimendu berberak bizitzen ditugu

errutinaren zirkulu mugikorrean.

 

Denaren desberdina izan nahian

galtzen da askotan gizakia,

beste bat gehiago izateari

ihes egin nahian.

 

Ez gaude prest aro berri baterako,

garestiegia da amesten duguna.

 

 

 

Ziur?

Ausardia zure baitan da.